Gigs Tafod yn Steddfod Casnewydd

Y CANOLFANAU, Y BANDIAU A'R PRISIAU GORAU

Yn ogystal, er mwyn cynnig y fargen orau i bob Eisteddfodwr, mae'r Gymdeithas yn gobeithio na fydd pris mynediad unrhyw noson yn codi yn uwch na £5.

Y cyntaf o'r canolfannau hyn yw Clwb Pont Ebw, sef y ganolfan agosaf i'r maes ieuenctid ac sydd o fewn pellter cerdded i holl ddigwyddiadau'r Eisteddfod. Ymysg yr artistiaid fydd yn perfformio yno fydd rhai o fandiau amlycaf Cymru, yn cynnwys Texas Radio Band, Pep le Pew, Kentucky AFC ac Anweledig.

Yr ail ganolfan fydd y Clwb Gwyddelig yng Nghasnewydd sydd yn lleoliad hynod o boblogaidd o fewn y ddinas. Bydd rhai o hoelion wyth cerddoriaeth Gymraeg yn perfformio yn y ganolfan yma, yn cynnwys Meic Stevens, Dom, Bob Delyn a'r Ebillion a Geraint Lovgreen.

Bydd Cymdeithas yr Iaith unwaith eto yn hybu talent newydd Cymru trwy gynnal cystadleuaeth Brwydr y Bandiau arbennig ble bydd cyfle i'r enillwyr berfformio ar nos Sadwrn olaf yr Eisteddfod (gweler poster i'r dde - rho glec am fersiwn mwy)! Ebrill 1 yw'r dyddiad cau ar gyfer ceisiadau a bydd rhagbrofion yn cael eu cynnal cyn yr Eisteddfod.

Gorffennaf 31, 2004 | Adloniant , Chwith trendi , Eisteddfodau