Cysgu ar y stryd

Nos Wener fe fues i a deg o aelodau'r Gymdeithas yn cysgu mas ar y stryd yn y Bala. Rhan o daith Deddf Eiddo oedd hyn, a ddechreuodd Nos Sul y 5ed o Fehefin.

Ers hynny mae aelodau a chefnogwyr y Gymdeithas wedi bod yn cysgu'n arw ar strydoedd Cymru - yn Llandysul, Aberystwyth, Pwllheli, Caernarfon, Rhuthun a'r Bala.

Pwrpas hyn oedd tynnu sylw at ddifrifoldeb sefyllfa’r farchnad dai lle mae cymunedau a'r iaith Gymraeg o dan fygythiad, ac i alw am ddeddf Eiddo. Mae Huw Lewis a Dewi Snelson wedi bod ar y daith ers wythnos ac angen bath ac eilliad!

Mae'r Gymdeithas wedi llwyddo i gasglu dros 2000 o lofnodion mewn llai nag wythnos ac mae'r ymateb wedi bod yn hynod o gadarnhaol gan aelodau'r cyhoedd.

Ar ôl i nifer o Bala-wa's meddw neidio ar ein pennau fe lwyddais i fynd i gysgu cyn dihuno am bump yn y bore yn rhythu achos doedd dim sach gysgu da fi.

Diolch i Siôn am ddod a thost a the i ni'r noson honno ac am roi creision ŷd a phaneidiau i ni yn y bore.

Mwy yn yr un categori(au): Blog Steffan
.