Rali Deddf Iaith

Prynhawn 'ma fe gynhaliodd y Gymdeithas Rali Deddf Iaith Newydd tu fas i Bencadlys Llywodraeth Cynulliad Cymru ym Mharc Cathays, Caerdydd.

Cafwyd areithiau gan Hywel Teifi, Mererid Hopwood, Catrin Dafydd. Dwedais wrth y 200 o bobl oedd wedi ymgynyll fod Rhodri Morgan wedi datgan yn 1993 na fydda ef yn pledleisio yn San Steffan dros y Deddf Iaith bresennol gan ddweud:

“We shall be abstaining because we hope to have the opportunity before long to do the job properly. That will be done when we revisit the question of a Welsh language measure when we are in Government.”

Er ei fod wedi bod mewn grym ers dros bum mlynedd ac wedi cael hen ddigon o gyfle i wireddu ei addewid, mae Prif Weinidog Cymru wedi datgan nad ydi o am weithredu yr hyn addawodd yn 1993. Ar rhan Cymdeithas yr Iaith Gymraeg, felly, galwais arno i ymddiswyddo am iddo dorri ei air ac am gamarwain cyhoedd Cymru gan ennill pleidleisiau ar addewidion gwag.

Gellir islwytho'r areithiau o wefan Radio Amgen

Mwy yn yr un categori(au): Blog Steffan
.