Deddf Iaith ar Daith - Hâf 2006

Ym mis Awst bydd Cymdeithas yr Iaith yn mynd a'r ymgyrch dros Ddeddf Iaith Newydd ar daith ar hyd a lled Cymru. Dyma'ch cyfle chi i helpu gyda'r ymgyrch yn eich ardal leol chi. Yn ogystal a lledaenu neges deddf iaith newydd o gwmpas Cymru, prif bwrpas y daith yw i gasglu cymaint o enwau ag sy’n bosib ar ddeiseb Deddf Iaith Newydd.

Byddwn yn cyflwyno’r ddesiseb yma i Lywodraeth y Cynulliad yn yr Hydref. Os oes gennych chi awr neu ddwy i sbario felly, dewch draw i helpu! Byddwn yn casglu enwau o 11y.b tan 3 y.p ymhob lleoliad. Gallwch gysylltu gyda'r trefnwyr lleol am fwy o wybodaeth.

Dyma'r dyddiadau:

Abertawe Llun 14eg, cyfarfod wrth Ty; Tawe (hywel@cymdeithas.org)
Rhydaman Mawrth 15eg, cyfarfod y tu allan i Woolworths (catrin@cymdeithas.org)
Pontypridd Mercher 16eg, cyfarfod wrth Clwb y Bont (osian@cymdeithas.org)
Caerdydd Iau 17eg, cyfarfod wrth gofgolofn Aneurin Bevan (hywel@cymdeithas.org)
Casnewydd Gwener 18fed, Cyfarfod ger y Clwb Gwyddelig (hywel@cymdeithas.org)
Aberystwyth, Sadwrn 19eg, cyfarfod wrth Siop y Pethe (huw@cymdeithas.org)
Rhuthun Llun 21ain, cyfarfod wrth y cloc ar y sgwar (rhun@cymdeithas.org)
Llangefni Mawrth 22ain, cyfarfod y tu allan i Dafarn y Bull (dewi@cymdeithas.org)
Pwllheli Mercher 23ain, cyfarfod yn y maes parcio ger y Maes (dewi@cymdeithas.org)
Caernarfon Iau 24ain, cyfarfod wrth gofgolofn y milwyr ar y Maes (dewi@cymdeithas.org)
Dolgellau Gwener 25ain, cyfarfod ar y Sgwâr (dewi@cymdeithas.org)
Aberteifi Sadwrn 26ain cyfarfod y tu allan i Woolworths (siwan@cymdeithas.org)

Bydd gigs, cwisiau a chyfarfodydd gwleidyddol hefyd yn cael eu cynnal ar y nosweithiau yma! Dewch yn llu!

Mwy yn yr un categori(au): Deddf Iaith | Digwyddiadur
.