Bygythiad i ddyfodol pentref wedi ei dynnu yn ol am y tro

Dywedwyd wrth Gymdeithas yr Iaith heddiw bod y cais cynllunio a gynigwyd am 50 o dai ym mhentref bychain Pont-Tyweli wedi'i dynnu yn ei ol.

Meddai Angharad Clwyd, Swyddog Maes Dyfed Cymdeithas yr iaith, sydd ar mamolaeth yn bresennol, sydd yn byw yn lleol:

"Tra ein bod yn croesawu'r penderfyniad mae angen i ni fod yn wyliadwrus am ei bod yn debygol y bydd y datblygwyr yn rhoi cais cynllunio arall i mewn rhywbryd eto. Er hyn, rydym yn llongyfarch adran gynllunio y Cyngor Sir am fynnu sawl amod ar gyfer y datblygiad. Rydym hefyd yn llongyfarch y gymuned leol am sefyll yn gadarn a lleisio eu gwrthwynebiadau mewn nifer o lythyrau ddanfon i'r adran Gynllunio dros gyfnod prysur y Nadolig.

Fel y gwnaeth Cymdeithas ddatgan yn ein llythyr o wrthwynebiad, byddai'r datblygiad yma yn cael effaith niweidiol ar y gymuned leol ac ar yr iaith Gymraeg. Gyda 3/4 o'r tai yn anafforddiadwy, dim golwg o swyddi pellach i'r ardal a gyda'r cynlluniau newydd am ddatblygu heolydd lleol - byddai'r tai ddim ond yn apelio at gymudwyr. Mae yna llai na 150 o dai yn y pentref a byddai'r lefel yma o fewnfudo mewn i gymuned mor fach yn niweidiol iawn."

Mwy yn yr un categori(au): Caerfyrddin Penfro | Cymunedau Rhydd | Newyddion
.