Yn dilyn yr etholiadau

Wrth i’r pwt hwn gael ei sgwennu, mae trafodaethau ynd mynd rhagddynt rhwng y pleidiau i benderfynu ar ba fath o lywodraeth a fydd mewn grym yn y Cynulliad am y bedair mlynedd nesaf. A fydd Plaid Cymru neu’r Democratiaid Rhyddfrydol yn clymbleidio neu gydweithio â Llafur, neu a fydd y gwrthbleidiau yn uno o dan ymbarel amryliw?

Yn dilyn noson ddifyr iawn ar Fai y 3ydd, mae galwad Cyfarfod Cyffredinol Cymdeithas yr Iaith ar i’r gwrthbleidiau wrthod clymbleidio ag unrhyw blaid arall heb gytundeb i sicrhau Deddf Iaith Newydd, strategaeth frys o ran cartrefi, gwaith a thrafnidiaeth yn ein ardaloedd Cymraeg, a dyfodol ein hysgolion pentrefol ac addysg Gymraeg ymhob sector, yn sefyll.

Dyma anghenion brys y frwydr dros ddyfodol y Gymraeg, a dyma gyfrifoldeb y sawl a etholwyd rhai wythnosau yn ôl.

Mwy yn yr un categori(au): Blog Hywel
.