Cynghorwyr Sir Gar yn Euog!

Er gwaetha problemau trafnidiaeth, cawodydd o law a gwynt a oedd yn bygwth chwythu fy wig barnwr i ffwrdd, cafwyd protest dra llwyddiannus ar faes Eisteddfod yr Urdd ddoe. Mewn sesiwn o Lys Iawnderau Cymunedol Cymru cafwyd y swyddogion Mark James a Vernon Morgan, a chynghorwyr sir Meryl Gravell a Martin Morris yn euog o dwyll gan reithgor o bobl Sir Gâr.

Yn ôl y disgwyl. nid oedd un o'r diffinyddion yn bresennol (er iddynt gael gwys wythnosau'n oô). Galwodd yr erlyniad ar lywodraethwyr a rhieni fel tystion i'r ffaith fod ymgynghoriad Cyngor Sir Gar ar ddyfodol ysgolion pentrefol y sir yn un twyllodrus.

Trwy eu polisi cyllido newydd, mae'r Cyngor Sir wedi ymosod ar ysgolion sydd yn gweithredu fel ysgolion ffederal, ac wedi dangos yn glir eu bod wedi penderfynu cau ysgolion a'u gwerthu cyn bod unrhyw ymgynghoriad yn cael ei gynnal.

Cawsant ryddhad amodol, sef na fydd aelodau Cymdeithas yr Iaith yn gadael iddynt ymelwa o'u twyll trwy feddiannu'r ysgolion sydd dan fygythiad. Os ydych chi'n bwriadu dod draw i'r Eisteddfod galwch draw i'r uned am sgwrs.

Mwy yn yr un categori(au): Blog Hywel
.