Eisteddfod yr Urdd

O'r diwedd, dyma fi'n dechrau ailafael ym mhethau wedi prysurdeb Eisteddfod Sir Gâr. Dwi eisoes wedi sôn am y brotest addysg lwyddiannus a gafwyd ar fore Llun yr Eisteddfod, a dechreuodd y gwaith o bwyso ar Carwyn Jones, y Gweinidog sydd yng ngofal Addysg a'r Gymraeg yn syth ar ol cyhoeddi'r cabinet newydd.

Cafwyd trafodaeth ar Taro'r Post rhyngddo a Ffred dydd Gwener, lle wnaeth o ddatgan nad oedd angen Deddf Iaith Newydd ar Gymru. Gweinidog newydd ond yr un hen bolisiau felly.

Yn wyneb hyn, roedd hi'n braf iawn, ac yn hynod arwyddocaol fod Urdd Gobaith Cymru fel sefydliad wedi datgan eu cefnogaeth gyhoeddus i Deddf Iaith Newydd ar ddydd Sadwrn olaf y Steddfod. Dyma lais arall yn galw am Deddf Iaith Newydd felly - gall y llywodraeth Lafur ddim eu hanwybyddu lawer mwy.

Mwy yn yr un categori(au): Blog Hywel
.