Gwenno Teifi yn y carchar

Yn Llys Ynadon Caerfyrddin fore Llun, fe ddedfrydwyd Gwenno Teifi i bum niwrnod o garchar am wrthod talu trwydded yn dilyn ei gweithred o baentio slogan ar ffenest cwmni Brantano fel rhan o'r ymgyrch dros ddeddf iaith newydd. Mae Gwenno wedi clywed y bydd hi'n cael ei rhyddhau yfory, ac o fewn ychydig oriau wedi hynny, bydd hi nol yn ymgyrchu pan y bydd yn ymweld a'r Senedd ym Mae Caerdydd i gyflwyno llythyr i Carwyn Jones. Yna, am 2 o'r gloch dydd Sadwrn bydd Gwenno a finne yn annerch y brotest yn erbyn Tesco ym Mhorthmadog. Os ydych chi o gwmpas Caerdydd 'fory, dewch draw i'r Senedd erbyn 11 yb i'w chroesawu yn ol i Gymru. Neu dewch draw i'r brotest ym Mhorthmadog i'w llongyfarch ar ei gweithred ysbrydoledig ac i godi llais gyda ni i sicrhau bod yr alwad dros ddeddf iaith newydd yn glir yn y cyfnod allweddol yma. 'Diolch i Dduw am y ddau neu dri sy heno'n y carchar drosom ni' fel wedodd DI rhyw chwarter carnif yn ol!

Mwy yn yr un categori(au): Blog Hywel
.