Arwyddion peryglus Cyngor Abertawe

Mae Cyngor Abertawe wedi penderfynu codi arwyddion uniaith Saesneg ger cylchfan Ynysforgan. Gweler y stori yma ar wefan Saesneg BBC Wales.

Fel mae nifer o'r cyfranwyr ar y wefan yn nodi, mai'r ddadl bod arwyddion dwyieithog yn beryglus yn ddadl gwirion. Mi wnaeth Pwyllgor Roedrick Bowen ddod i'r casgliad nad oedd arwyddion dwyieithog yn beryglus ym 1971! Ar ben hyn, mae yna ddigonedd o engrheifftiau ar draws Ewrop lle mae arwyddion dwyieithog yn cael eu defnyddio.

Mae' braf gweld ar y wefan uchod fod yna gefnogaeth i arwyddion dwyieithog yn dod o Loegr, Gwlad Belg a'r Almaen. Pam felly mae'n rhaid i'n cynghorau sir ni ymddwyn mewn modd mor daeog? Yn bwysicach efallai, sut y gadawyd hyn i ddigwydd yn y lle cyntaf?

Yn sicr mae'n mynd yn groes i'w Cynllun Iaith. Rydym wedi anfon llythyr ar y Cyngor yn cwyno'n swyddogol am hyn, ac am gysylltu ag adran Treftadaeth Llywodraeth y Cynulliad yn ogystal. Pan ddaw ymateb gan y Cyngor, byddwn yn mynd a'r mater at y Bwrdd Iaith. Yn y cyfamser, cysylltwch a'r Cyngor, mi wnai bostio'r manylion cyswllt yn y man.....

Mwy yn yr un categori(au): Blog Hywel
.