|
|
|
Cychwyn o'r newydd o ran ysgolion yw neges Cymdeithas yr Iaith i Gyngor Gwynedd
Mae Cymdeithas yr Iaith wedi cefnogi galwad Cynghrair Ysgolion Gwynedd ar i’r Cyngor newydd gydnabod nad oes modd bellach iddo fynd ymlaen i basio’i Gynllun dadleuol i ad-drefnu ysgolion yn y sir. Meddai llefarydd y Gymdeithas ar Addysg, Ffred Ffransis:
"Mae’r un sefyllfa’n wynebu pwy bynnag fydd yn arwain y Cyngor. Fyddwn ni’n gwybod dim tan y flwyddyn nesaf am ddulliau cydweithio newydd rhwng ysgolion, a byddai’n gwbl annheg rhuthro i benderfynu ar ddyfodol ychydig o ysgolion unigol yn y cyfamser. Felly does gan y Cyngor ddim Cynllun ar ol i’w drafod yn ei gyfarfod ym mis Mehefin."
"Byddai’n well fod y Cyngor yn cydnabod hynny’n syth a defnyddio’r cyfle i gychwyn o’r newydd i geisio cytundeb am y ffordd ymlaen mewn cymunedau lleol.
Trwy wneud hynny, gellid creu ysbryd newydd o ymddiriedaeth ac ymdrafod difrifol ac agored. Gallai’r trafodaethau ymledu hyd yn oed i fod yn drafodaethau am ddyfodol y cymunedau Cymraeg ac nid yn unig yr ysgolion. Efallai mai dyma’r hwb i ddechrau llunio o ddifri strategaeth am ddyfodol ein cymunedau Cymraeg lleol gyda swyddogaeth allweddol newydd i ysgolion yn eu hadferiad."
Mwy yn yr un categori(au): Addysg
| Gwynedd Môn
| Newyddion
.
|
Cyngerdd NA i gau Ysgol Llanddeusant
22 Ebrill, 2008
|
12pm, Piced Tesco Cyffordd Llandudno
23 Ebrill, 2008
|
GIG: Derwyddon Dr Gonzo, Madre Fuqueros, Lembo ABERYSTWYTH
25 Ebrill, 2008
|
2pm, Piced Tesco Rhydaman
26 Ebrill, 2008
|
BEDROC 2008: Dafydd Iwan, Genod Droog a lot mwy - BEDDLLWYNOG
20 Mehefin, 2008
|
|
Rhagor...
|

|
|