Peidiwch gadael i'r datblygwyr twyllo'r Cyngor

Mae cwmni datblygu Eatonfield wedi ail gyflwyno cais cynllunio i Gyngor Sir Gár wedi i'w cais gwreiddiol gael ei wrthod gan y Cyngor, oherwydd y niwed fyddai'n gwneud i'r gymuned leol. Dywed Cymdeithas yr Iaith fod hon yn ymgais i dwyllo'r Cyngor er mwyn i'r datblygwyr gael eu ffordd eu hunain.

Dywed Swyddog Maes Dyfed Cymdeithas yr Iaith sy'n byw yn lleol:

"Mae'r datblygwyr yn ceisio twyllo'r cyngor trwy ddweud eu bod am
adeiladu 31 t yn unig 'nawr, ond yr oll y maent wedi gwneud yw cyflwyno yr un cais mwy neu lai gan hepgor y tai fforddiadwy a'r tai 3 ystafell wely. Dengys eu cynlluniau fod 29 o'r 31 ty yn dai annibynol gyda 4 ystafell wely, ac mae 2 d yn unig gyda 3/4 ystafell wely. Maent hefyd yn ceisio twyllo'r cyngor i dderbyn fod yr hen ganiatad gynllunio yn dal mewn grym oherwydd bod ychydig o oriau wedi
cael eu rhoi i:
1. Agor mynediad i'r brif ffordd a 2. Ffurfio rhan o'r hewl i'r ystád,
cyn bod y caniatad gwreiddiol yn dod i ben yn 1992. Mae hyn yn gwneud
ffars o'r system gynllunio - maent yn honni fod hewl wedi cael ei
adeiladu ond does dim byd o gwbwl i'w weld.

Ffwlbri yw i'r cwmni honni fod y caniatad yn dal mewn grym 18 mlynedd
wedi iddo gael ei roi yn wreiddiol, oherwydd eu bod wedi torri twll yn
y clawdd er mwyn dangos fod y gwaith ar y gweill. Dros 18 mlynedd mae
llawer o newid wedi bod yn yr ardal ac mae'r canllawiau cynllunio
hefyd wedi newid i gynnwys mwy o ystyriaeth i anghenion y gymuned
leol. Honna'r datblygwyr nad yw'r newidiadau hyn yn berthnasol
oherwydd nad oeddent yn berthnasol pan roddwyd y caniatad gwreiddiol."

Ychwanegodd Ms Clwyd:
"Caiff y cyfreithwyr benderfynnu a fydd y datblygwyr yn llwyddiannus
yn eu twyll. Ond mae'n bendant sicr na wnaiff y gymuned leol dderbyn y
datblygiad hwn."

Mwy yn yr un categori(au): Caerfyrddin Penfro | Cymunedau Rhydd | Newyddion
.