Targedu Woolworths a WhSmiths yn y gogledd

Neithiwr (Awst 27 ain 2008) aeth aelodau o Gymdeithas yr Iaith, rhanbarth Clwyd, allan i weithredu'n uniongyrchol yn erbyn cwmnïau Woolworths a WHSmiths yng Nghonwy a Llandudno, fel rhan o ymgyrch y Gymdeithas i wedd newid y sector breifat. Codwyd sticeri ar ganghennau'r ddau gwmni yn gofyn 'Ble mae'r Gymraeg'

Meddai Osian Jones, trefnydd y Gymdeithas yn y gogledd.

"Mae'r weithred yma yn gyrru neges glir a di-amod i gwmnïau mawr yng Nghymru, nad yw trigolion Cymru yn fodlon derbyn eu tocenistiaeth parhaol tuag at yr iaith Gymraeg. Dro ar ôl tro, mae'r cwmnïau yma yn dod i fyny ac esgusodion gwamal a gwan pam nad oes ganddynt bolisïau cynhwysfawr tuag at yr iaith Gymraeg. Mae'r weithred yma hefyd yn gyrru neges glir i holl aelodau Plaid Cymru a fydd yn cyfarfod mewn pythefnos yn eu cynhadledd blynyddol yn Aberystwyth nad yw'r ddarpariaeth yn neddf iaith 93 yn ddigonol. Galwn felly ar y rhai hynny fydd yn mynychu cynhadledd Plaid Cymru i ddwyn pwysau ar y gweinidog treftadaeth Alun Ffred Jones i sicrhau mai dim ond drwy ddeddfwriaeth gref sydd yn cynnwys y sector breifat, y gall y Gymraeg ffynnu a byw."

Mwy yn yr un categori(au): Deddf Iaith | Gwynedd Môn | Newyddion
.