Croeso i Adloniant Tafod

Mae Cymdeithas yr Iaith yn trefnu teithiau, gigs achlysurol yn ogystal ag wythnos cyfan o gigs yn ystod yr Eisteddfod Genedlaethol.

Digwyddiadau a Newyddion Adloniant

Gwyl Hanner Cant - Pumdeg o fandiau, dwy noson, un parti mawr

50: Pumdeg o fandiau, dwy noson, un parti mawr
13-14 Gorffennaf 2012, Pafiliwn Bont

I nodi pen-blwydd Cymdeithas yr Iaith yn hanner cant, ac i ddathlu pum degawd o ymgyrchu brwd a hyrwyddo cerddoriaeth Gymraeg, bydd 50 o artistiaid Cymraeg blaenllaw yn perfformio mewn gig enfawr ym mhafiliwn enwog Pontrhydfendigaid.

Hanner Cant fydd y digwyddiad mwyaf i'r sîn roc Gymraeg ei weld ers blynyddoedd. Byddwn yn cyhoeddi enwau'r artistiaid un bob wythnos rhwng nawr a'r penwythnos mawr:

hannercant.com

Safwn yn y Bwlch efo pobl y Parc

Diwrnod o wrthwynebu rhybudd Cyngor Gwynedd i gau'r ysgol
Sadwrn 17 Mawrth - Ysgol y Parc

11am - Ffilm Munud i Ddathlu
Cyfle i weld ffilm dorfol newydd 50 munud yn cofnodi'r profiad o fod yn Gymro

12-1pm - Cinio yn y Neuadd a Gweithdai Creu Gwrthwynebiadau ar ffurf llythyrau, celf, ffilm a chân

1pm-2.30pm - RALI SAFWN YN Y BWLCH efo pobl y Parc
Cyng Elwyn Edwards,
Ffred Ffransis,
Gwion Lynch,
Penri Jones,
Euros Puw
a neges o gefnogaeth gan Hogia'r Wyddfa ac eraill

2.30pm-4.30pm - Gwylio gêm CYMRU v FFRAINC ar y Sgrîn Enfawr yn y Neuadd

7pm-9.30pm - Noson efo Gai Toms a doniau lleol
£5 oedolion £2 plant

Ffilm Separado Gruff Rhys a pherfformiad byw gan René Griffiths Caerfyrddin

Nos Wener, Mawrth 9fed
Golden Lion, Caerfyrddin, £5

• 7.30pm: Ffilm 'Munud i Ddathlu'
• 8.30pm: Ffilm Separado!
• 10pm: Rene Griffiths

Mae Separado!, sydd yn daith bersonol i Gruff Rhys, yn rhoi Patagonia mewn cyd-destun diwylliannol ehangach yn yr Ariannin, ac yn pellhau ei hun oddi wrth y ffordd ramantus o ffilmio'r Cymry ym Mhatagonia.

Bydd y ffilm yn cael ei ddangos am 8pm ar nos Wener 9fed o Fawrth yn y Golden LioN Caerfyrddin, cyn i'r seren ei hun, Rene Griffiths, roi blas ar ganeuon Latino-Geltaidd yn ei ffordd unigryw ei hun.

Fe ddywedodd Gruff Rhys, canwr pop sydd wedi ryddhau sawl albwm yn unigol ac fel rhan o'r Super Furry Animals:

"Cymerodd Separado 5 mlynedd i'w chwblhau. Y syniad oedd ceisio cyfleu delwedd wleidyddol, weledol a cherddorol gytbwys or profiad Lladin/Gymreig ym Mhatagonia. Heb os enigma barhaus Rene Griffiths sy'n gludo'r holl beth at ei gilydd, ac ef yw'r uchafbwynt cerddorol."

"Gwrandewch yn astud ar ei ganeuon a'i chwarae cywrain ar y tannau. Dyma wr unigryw, ffraeth ac arallfydol. Tyrrwch yn llu i brofi ei ddoniau athrylithgar ar y gitar, heb fod yn glust dyst gredwch chi byth!"

Mwy o ddigwyddiadau a newyddion Adloniant...