Taith y Copaon: Awst 19 - Awst 28 2004

Deg copa mewn deng niwrnod - er mwyn codi arian i goffrau Cymdeithas yr Iaith!

Taith gerdded noddedig fydd hon yn dringo rhai o fynyddoedd enwocaf Cymru. Beth am ymuno yn y daith? Does dim rhaid i ti ddringo bob mynydd! Gelli ymuno am ddiwrnod neu ddau. Dyma gyfle gwych i gyfarfod nifer o bobl a gwneud cyfraniad pwysig i Gymdeithas yr Iaith ar yr un pryd!

Taith y Copaon 2004 - Dringo dros yr Iaith

Deg copa mewn deng niwrnod - dyna fydd y nôd i aelodau Cymdeithas yr Iaith, rhwng dydd Iau, Awst 19, a dydd Sadwrn, Awst 28. Yn ystod y cyfnod hwn, bydd nifer o aelodau’r mudiad yn dringo deg o fynyddoedd enwocaf Cymru, fel rhan o’r daith gerdded noddedig – ‘Taith y Copaon’ – er mwyn codi arian i goffrau’r Gymdeithas.

Apel Cymru 2020

Er mwyn pwysleisio yr angen am ymgyrchu effeithiol, er mwyn ymateb i argyfwng y Gymraeg, bydd Cymdeithas yr Iaith yn lansio apel ariannol. Bydd y mudiad yn gwahodd aelodau a chefnogwyr i lenwi archebion banc sylwddol er mwyn cynnig sail gadarn i ymgyrchoedd y dyfodol.